фарба | ж.

Боја. Фарба за коса. Фарба за јајца.

фарба | несв.

Бојадисува. Ја фарбаат оградата зелено. Почна да ја фарба косата костенлива.

фарисеј | м.

(истор.) Припадник на религиозно-политичка секта во древна Јудеја што се истакнувала со строго одржување на сите обреди, со надворешна, лицемерна побожност.

фарисејство | ср.

Лицемерство.

фарисејштина | ж.

фарк | прид.

Итар, снаодлив. Оваа пофарк ќе излезе од сите нашински невести. Треба да се види која е пофарк во домаќинлакот.

фарма | ж.

Земјиштен посед, заедно со објектите на него, на кој се одгледуваат земјоделски култури или стока и живина. Живинарска фарма. Сточарска фарма.

фармак | м.

Отров. Му ставиле фармак во јадењето.

фармаколог | м.

Специјалист по фармакологија.

фармакологија | ж.

Наука што го проучува дејството на лековите врз организмот.