фасада | ж.

а) Предната страна, лицето на зграда. б) Надворешната површина на зградата. Ја обновија фасадата. Ставија нова фасада.

фасаден | прид.

Што припаѓа, што се однесува на фасада. Фасаден камен. Фасадни украси.

фасадер | м.

Работник што изработува фасади. На крајот настапуваат фасадерите.

фасонка | ж.

Направа во која се завртува светилката и на тој начин се поврзува со електричната инсталација. Ги украле дури и фасонките од станот. Светилката не одговара на фасонката.

фастан | м.

фасцикла | ж.

Кутија, тврди корици за чување документи, акти и сл.; Сите документи за него ги најдов во три фасцикли.

фасцинантен | прид.

Што фасцинира, што воодушевува, што восхитува. Со фасцинантна нежност нејзината виолина го исполнуваше просторот.

фасцинација | ж.

Одушевеност, восхит. Намерата на критичарот е да се согледаат некои опсесии и фасцинации на поетот.

фасцинира | св. и несв.

Воодушеви, воодушевува; восхити, восхитува. Неговата искреност и енциклопедиска информираност нè фасцинира.

фасциниран | прид.

Што е восхитен, што е воодушевен. Таа беше фасцинирана од неговата музика.