феникс | м.
(мит.) Митска птица што при крајот на животниот век изгорува, а потоа одново се раѓа од својата пепел.
феномен | м.
Појава податлива на спознание. Природен феномен.
феноменален | прид.
Извонреден, исклучително способен или добар. Филмот е феноменален.
фер | прид.
Чесен, правичен, непристрасен (за лице, постапка, однос). Фер однесување. Фер играч.
фереџе | ж.
Горен дел од облеката кај муслиманките, која го покрива лицето на жената. Жената носеше фереџе. Дошло време на девојката да ѝ го покријат лицето со фереџе.
ферибот | м.
Брод со голема платформа за превоз на патници, стоки, возила, возови во крајбрежната пловидба. Од плоштадот се гледа широкото пристаниште, од кое заминуваат фериботите за островот.
ферија | ж.
Подолг училиштен одмор, распуст во летно време или за празници.
феријален | прид.
Што се однесува на ферии; што е наменет за организирање, поминување на фериите. Феријален дом. Феријален сојуз. Феријално одморалиште.
феријалец | м.
Член на феријален сојуз. Феријалците годинава ќе летуваат во Дубровник.
ферма | несв.
Почитува, обрнува внимание некому. Не ферма никого. Не ферма ни татко, ни мајка. Кој го ферма?!
