фиксација | ж.
Процес на фиксирање со кој нешто се прави да биде постојано, зацврстено, трајно, непроменливо. Средства за фиксација.
фиксен | прид.
Што е точно утврден, постојан, непроменлив. Фиксен курс на денарот. Фиксна плата. Фиксен износ.
фиксир | м.
Хемиско средство со кое фотографијата по развивањето се прави постојана, отпорна на светлост.
фиксира | св. и несв.
Зацврсти, зацврстува во една положба Го фиксира зглобот со завој. Ги фиксира боите. Кројачот ја фиксира поставата на сакото.
фиктивен | прид.
Што се јавува како фикција, што е измислен, што не постои. Фиктивен брак. Фиктивна борба. Фиктивен капитал. Фиктивен свет.
фикус | м.
Декоративно собно растение со крупни цврсти и сјајни листови; Ficus elastica.
фикција | ж.
Нешто што не суштествува во реалноста, што е измислено, непостојно. Поетска фикција. Си создал своја фикција место реалниот свет.
фил 1 | м.
Крем или слична слатка маса за полнење на колачи, торти и сл. Фил од бадеми.
фил 2 | м.
Слон. Млеко од фил.
-фил | претс.
Како втор дел од сложени зборови со значење што сака нешто, што е расположен кон нешто: словенофил, филмофил, библиофил и др.
