фисионен | прид.
Што се однесува на фисија.
фисија | ж.
Цепење, делење на атомското јадро при што се ослободува голема количина енергија. Јадрена фисија.
фиска | ж.
фискал | м.
Правен застапник на државната благајна.
фискален | прид.
Што се однесува на фискус. Фискална управа. Фискални даноци. Фискална политика.
фискија | ж.
Цевка од која тече вода, славина. Ќе работиме додека трае и последната фискија од онаа богата, надојдена вода.
фискултура | ж.
Физичка култура.
фискултурен | прид.
Што се однесува на фискултура. Фискултурна сала.
фискултурник | м.
Тој што професионално се занимава со спорт, со фискултура, спортист; професор по фискултура.
фискус | м.
Државна благајна.
