фитилен | прид.

Што се однесува на фитил. Фитилен пламен.

фитилест | прид.

Што личи, што потсетува на фитил. Руното им е фитилесто.

фитили | св.

Направи да биде како фитил. Ги фитили мустаќите.

фитилник | м.

Старинска земјена ламба, виделце.

фитиљ | м.

фито- | претс.

Како прв дел од сложени зборови што означуваат дека означеното во вториот дел е во врска со растенијата, со билките: фитогеографија, фитоекологија, фитопатологија и др.

фитогеографија | ж.

Дел од биологијата што се занимава со географската распространетост на растенијата.

фитоекологија | ж.

Наука што се занимава со проучувањето на околината (клима, почва, жив свет) во однос на растенијата.

фитопатологија | ж.

Наука што се занимава со болестите на растенијата и нивното лекување.

фитофармација | ж.

Наука што се занимава со заштитата на растенијата од болести, штетници и плевели со хемиски средства, како и последиците од неа.