флексија | ж.
Промена на наставките при деклинацијата и конјугацијата; заеднички назив за деклинација и конјугација.
флерт | м.
Љубовна игра, кокетирање, забава без обврски.
флертува | несв.
Се забавува со спротивен пол без сериозна намера.
флеш 1 | м.
Магнезиумова светлина при фотографирање; блиц.
флеш 2 | м.
Фигура во картите кај некои игри (покер) кога играчот ги собира сите пет карти од една боја по ред.
флеш 3 | м.
Многу куса, важна вест што ја добиваат средствата за информирање. Флеш вести.
флејта | ж.
Дувачки инструмент со кој се свири поставен на едната страна, со привлечен, нежен кадифест звук.
флејтист | м.
Тој што свири на флејта.
флигорна | ж.
Музички инструмент со мека звучност; рог.
флигорнист | м.
Музичар што свири на флигорна.
