флуктуација | ж.
(техн.) Бранување, променливо струење на течност.
флуктуира | несв.
Се колеба, се менува, се бранува, е непостојан. Цените флуктуираат во последното тромесечје. Бројот на работниците постојано флуктуира.
флуор | м.
Хемиски елемент од групата халогени елементи, зеленикавожолт гас со омамен мирис; симбол F.
флуоресцентен | прид.
Што се однесува на флуоресценција, што има својство на флуоресценција. Флуоресцентна реклама. Флуоресцентно осветлување. Флуоресцентна светлина.
флуоресценција | ж.
Својство на некои тела да испуштаат светлина под дејство на зрачење со кратки бранови; испуштање на таква светлост, зрачење со таква светлост.
флуоресцира | несв.
Има својство на флуоресценција, зрачи со флуоресценција.
фоаје | ср.
Во театар, кино, концертна сала и сл. ‒ просторија во која се задржува публиката пред претставата и за време на паузите. Во фоајето беше отворена ретроспективна изложба.
-фоб | претс.
Како втор дел од сложенки со значење дека некој го мрази, не го поднесува тоа што е означено со првиот дел (на пр. ксенофоб ‒ тој што мрази, што не поднесува странци).
фобија | ж.
Неразбирлив, неоправдан страв што се јавува кај некои душевни заболувања; нерационален страв воопшто. Имаше силна фобија од вода. Социјална фобија.
фодул | м.
Тој што се однесува вообразено, надуено. Натокмен фодул. И двајцата фодули, кој од кој поголем.
