фодулен | прид.
Што се однесува на фодул. Фодулен поглед.
фодули се | несв.
Се крева на големо, се вообразува, се гордее. Се фодули со облеката.
фодуллак | м.
Гордост, вообразеност. Неговиот фодуллак беше прочуен во чаршијата.
фодулштина | ж.
Состојба на тој што е фодул.
фока | ж.
Морски цицач, добар пливач со вретенесто тело и краток врат и нозе претворени во перки налик на весла што живее во северните мориња; Phoca vitulina.
фокален | прид.
Што се однесува на фокус; Фокална линија.
фокстериер | м.
Вид англиски пес лисичар, енергичен, силен, со мазно или грубо крзно.
фокстрот | м.
Вид танц со брз ритам по потекло од Америка.
фокус | м.
(физ.) Во физиката ‒ точка во која се собираат прекршени или одразени зраци.
фокусен | прид.
Што се однесува на фокус. Фокусна раздалеченост. Фокусна точка.
