фокусира | св. и несв.
Насочи, насочува, сосредоточи, сосредоточува внимание, напор и др. кон некого или на нешто.
фол | м.
Измислица, лага, невистина; штос. Остави ги тие фолови дома. Не му успеа фолот.
фолио | ср.
Формат на книга во големина на половина табак.
фолира | несв.
Лаже, мами, измислува. Доста фолираш, седни еднаш веќе да учиш. Тој цело време фолирал.
фолирант | м.
Тој што фолира.
фолија | ж.
Многу тенок лист од метал или од пластични маси што служи за пакување, завиткување и сл. Алуминиумска фолија. Фолија за пакување.
фолијант | м.
Книга во фолио‒формат.
фолк | м.
Музички фолклор.
Фолкландски Острови | м.
Британски архипелаг во Атлантскиот Океан.
фолклор | м.
Целокупноста на народното творештво (митови, обичаи, обреди, песни, носија, танци и др.) на еден народ.
