фотографија | ж.
(само едн.) Создавање слика врз плоча или лента осетлива на светлина, хартија и сл. со фотоапарат и нејзино трајно фиксирање со помош на специјални апарати и посебна технолошка (хемиска) обработка. Имам интерес за фотографија.
фотографира | св. и несв.
Направи, прави фотографија со фотоапарат, сними, снима со фотоапарат. Тој ги фотографира планинските пејзажи.
фотографски | прид.
Што се однесува на фотографија. Фотографски апарат. Фотографска лента. Фотографска снимка.
фотодокументација | ж.
Граѓа што содржи документи во форма на фотографија.
фотоелемент | м.
Уред што ја претвора светлосната енергија во електрична.
фотокопија | ж.
Репродукција, слика на оригиналот добиена со копирање на фотокопирен апарат. Во прилог Ви доставувам фотокопија од документот.
фотокопир | м.
Апарат, уред за фотокопирање.
фотокопира | св. и несв.
Направи, прави точна репродукција, фотокопија.
фотокопирен | прид.
Што служи за фотокопирање. Фотокопирен апарат.
фотокопирница | ж.
Продавница опремена со фотокопирни апарати којашто врши фотокопирни услуги.
