фотос | м.
Фотографија. Направи неколку фотоси на девојки.
фотосесија | ж.
Збир од фотографии направени со одредена намена (за ревии, аудиции, за новинарски текст и сл.).
фотосинтеза | ж.
Процес на производство на органска материја под дејство на сончевата светлина кај растенија што содржат хлорофил.
фотослог | м.
Вид печатарска техника, директно пренесување на текст на фотографска лента. Оддел за фотослог.
фотоснимка | ж.
Фотографија. Материјалот е ексцерпиран од фотоснимки на наведените ракописи.
фотосфера | ж.
Видлива светла површина околу Сонцето.
фототека | ж.
Збирка, архив од фотографии или фотографски негативи.
фототерапија | ж.
Лекување со помош на светлината, со сончева светлина или со помош на ултравиолетови зраци.
фототип | м.
Слика добиена со фотографски апарат што ја фиксира сликата на посребрена бакарна плоча сместена во темна комора.
фототипен | прид.
Што е отпечатен со претходно нанесување на фотографиран материјал врз стаклена или метална плоча. Фототипно издание.
