френгија | прид.
Само во изразот сабја френгија – остра француска сабја.
френетичен | прид.
Што е доведен до степен на голема возбуденост; одушевен, восхитен. Френетични извици. Френетичен говор. Френетичен аплауз.
френетички | прил.
френк | м.
Направа за заклучување; брава, клучалка. Потропа на вратата, го чкрапна френкот и виде дека е заклучено.
френклеиса | св.
Затвори со брава, заклучи.
фреон | м.
Хлорен или флуорен дериват на метан или етан што се користи како средство за замрзнување, во климатизери и др.
фреска | ж.
Слика изработена со водени бои на слој од свеж малтер.
фреско | ср.
Вид волнена ткаенина.
фреско- | претс.
Како прв дел од сложенки со значење ‒ што се однесува на фреска.
фрескоживопис | м.
Фрескосликарство.
