фронтовец | м.
Активист на организацијата Народен фронт по Втората светска војна.
фронтон | м.
Релјефен ѕиден декор над влезот или на предниот дел од зграда, куќа. Се гледаше богато украсениот фронтон, потпрен врз столбови.
фротир | м.
Рапава памучна ткаенина што се употребува за изработка на крпи, бањарки, пижами и сл.
фрска | несв.
Удира со прачка, камшик и сл. испуштајќи звук. Замина фрскајќи со камшикот по коњот. Леските ја фрскаа по образите.
фрсне | св.
Удри со прачка, камшик и сл. испуштајќи звук. Го пресече со погледот, небаре го беше фрснал со камшик преку лице.
фртома | ж.
фртуна | ж.
фруглица | ж.
Трска на која е зашиена бела везена кошула, а на врвот има варкосано јаболко; свадбено знаме; хоругва.
фругличар | м.
Тој што ја носи фруглицата, свадбеното знаме.
фруктоза | ж.
Овошен шеќер. Фруктозата има големо значење во исхраната на човекот.
