хе! | изв.
За изразување некаков негативен став – незадоволство, негодување, сомневање и сл. Хе, кој знае дали така ќе биде ?! Хе, делата нека не зборуваат!
хегемон | м.
Тој што ја има водечката, раководната улога во општеството, што спроведува хегемонија; господар, владетел.
хегемонизам | м.
Владеење над други (обично држави, народи) засновано врз хегемонија.
хегемонија | ж.
Превласт, надмоќно раководење, владеење на една класа или држава во однос спрема други класи или држави.
хегемонист | м.
Припадник, приврзаник на хегемонија.
хегемонистички | прид.
Што се однесува на хегемонија и на хегемонист.
хедонизам | м.
Филозофско учење според кое највисока цел во животот е постигнување на лично задоволство и телесно уживање.
хедонист | м.
Приврзаник на хедонизмот.
хеј! | изв.
За изразување на изненадување. – Хеј, види што најдов!
Хекатомба | ж.
Масовна жртва од сто вола кај старите Грци.
