химничен | прид.
Што се однесува на химна, што има својства на химна. Химничен тон. Химничен карактер.
химнографија | ж.
Пишување и проучување на химни.
хинди | м.
Службен јазик на Индија.
хипер- | претс.
Како прв дел од сложенки означува дека тоа што го означува вториот дел од зборот е прекумерно, над нормалата: хиперпродукција, хипертензија, хипертрофија.
хипербола 1 | ж.
Стилско изразно средство со кое се пренагласува, се преувеличува заради засилување на впечатокот. Епска хипербола. Авторот се служи со хиперболи и компарации.
хипербола 2 | ж.
Отворена крива линија што се добива кога ќе се пресече конусот со површина паралелна на неговата оска.
хиперболизација | ж.
Користење, употреба на хипербола.
хиперболизира | св. и несв.
Пренагласи, пренагласува, преувеличи, преувеличува нешто.
хиперболичен | прид.
Што се однесува на хипербола1; претеран, преувеличен. Хиперболичен лик. Хиперболични епитети.
хипервитаминоза | ж.
Состојба на организмот поради прекумерно примање на еден или повеќе витамини.
