хорографија | ж.
Опис на некоја земја или на некој крај.
хорор | м.
Страв, ужас.
хороскоп | м.
Положбата на ѕвездите, Сонцето и Месечината во определено време прикажана според астролошките правила. Дневен хороскоп. Годишен хороскоп.
хорски | прид.
Што се однесува на хор. Хорски натпревар. Хорски гласови.
хортензија | ж.
Вид грмушесто многугодишно декоративно растение со розови цветови групирани во вид на топка; Hydrangea macrophylla.
хортикултура | ж.
Одгледување градинарски производи (цвеќиња, зеленчук и др.); градинарство.
хортикултурен | прид.
Што се однесува на хортикултура. Хортикултурно уредување.
хоругва | ж.
Црковно знаме насликано со ликови на светци што се истакнува за време на големи празници.
хоспитализација | ж.
Сместување во болничка установа.
хоспитализира | св. и несв.
Смести, сместува, прими, прима некого во болничка установа на лекување.
