четинест | прид.

Што наликува на четина.

четири | бр.

Основен број поголем за една единица од три, помал за една единица од пет, се бележи со бројката 4. Четири години. Четири страни на светот. Четири дена.

четири- | претс.

Како прв дел од сложенки со значење: четири од тоа што е означено со вториот дел од сложениот збор (четиригодишен, четирикатница, четиристотини и др.).

четириаглест | прид.

четириаголен | прид.

Што е со четири агли. Четириаголен столб. Четириаголно здание. Четириаголна маса.

четириаголник | м.

Многуаголник со четири агли.

четирибоен | прид.

Што е со четири бои.

четиригласен | прид.

За песна ‒ што се исполнува на четири гласа; четворогласен.

четиригодишен | прид.

Што има четири години. Мојот четиригодишен син. Четиригодишно дете.

четиригодишнина | ж.

Годишнина од настан што се случил пред четири години.