четиристогодишнина | ж.

Годишнина од настан што се случил пред четиристотини години.

четиристогодишница | ж.

четиристотини | бр.

Број и количество од четирипати по сто единици; се бележи со 400.

четиристран | прид.

Што има четири страни. Четиристрана пирамида.

четиритонски | прид.

Што тежи четири тона.

четиричасовен | прид.

Што трае четири часа. Четиричасовен одмор. Четиричасовно работно време.

четиричлен | прид.

Што е од четири члена. Четиричлено семејство.

четка | ж.

Направа за чистење, четкање, рибање и др., направена од цврста подлога (дрвена, пластична, коскена и сл.) во која се прицврстени влакна, природни или вештачки или нешто слично на тоа. Четка за чевли. Четка за алишта. Четка за заби.

четка | несв.

Чисти со четка. Ги четка чевлите. Го четка палтото од прашина.

четкар | м.

Лице што прави или што продава четки. Тој правеше четки за сликарите.