чамрак | м.
Ливада што многу често е под вода.
чам-саказ | м.
Смола од иглолисници.
чамче 1 | ср.
Лонче, мал сад за вода, обично за на чешма.
чамче 2 | ср.
Тип народни ора што започнуваат бавно, достоинствено и слободно, со смирени чекори, кои во вториот ритмичен дел се забрзуваат придружени со чалгиски оркестар. Женско чамче. Не го знае да го игра пусто чамче / пусто чамче елбасанче
чамџија | м.
Тој што плови, што управува со чамец.
чанак | м.
Длабок дрвен или земјен сад за јадење, за толчење лук, пиперки и сл. Дрвен чанак со пинџур. Ги тури јајцата во земјен чанак.
чанта | ж.
Торба од кожа, од ткаенина и др. со различна форма и големина. Дамска чанта. По џадето се враќаа службеници со чанти в раце. Ученичка чанта.
чантар | м.
Занаетчија што изработува и продава чанти.
чанче | ср.
Дем. од чанак.
чанчи се | несв.
Обично погрдно ‒ извитоперува, се криви, прави нешто извештачено, искривено, при одење, танцување и сл. Доста туку се чанчиш!
