шифон | м.
Вид ткаенина, фино изработена свила или вештачки производ од памучни и синтетички влакна што наликува на неа. Првокласен шифон. Фустан од шифон.
шифоњер | м.
Дел од мебел со врата и рафтови, вид плакар што не е вграден во ѕид . Стар шифоњер. Во спалната имаше два шифоњери.
шифра | ж.
Избрани, определени, договорени знаци кои ги заменуваат општопознатите за да се заштити нешто и за да се употребува од избран број луѓе. Писмото беше напишано со шифри. Систем од броеви и шифри.
шифрант | м.
Лице што создава шифри;
шифрира | св. и несв.
Напише, пишува со тајни определени знаци, со шифри. Тие ги шифрираат писмата.
шифриран | прид.
Што е напишано со шифра. Шифриран текст. Шифрирани податоци. Шифрирана порака.
шиш | м.
Железен ражен
шишарка | ж.
Тркалезен, дрвенест плод на некои иглолисни, зимзелени растенија. Шишарките може да бидат женски и машки. Зелени шишарки. Зрели шишарки.
шишарковиден | прид.
Што има форма на шишарка, што личи на шишарка. Шишарковидни колачиња. Шишарковидни украси.
шише | ср.
Стаклен или пластичен сад за течност со карактеристични димензии, обично во цилиндрична форма, се протега во должина, потесен во широчина и со стеснет дел кон врвот. Стаклени шишиња. Пластични шишиња. Шишиња со широко грло. Шарени шишиња.
