школски | прид.
Што се однесува, што припаѓа на школа; училиштен. Школска година. Школски двор. Школска зграда. Школска табла. Школско ѕвонче.
школство | ср.
Организација и дејност на школите како воспитно-образовни установи, активност што ја опфаќаат школите и установите каде што се планира и се изведува просветна дејност. Реформа во школството. Систем во школството. Унапредување на школството.
школува | несв.
Праќа некого да учи, овозможува некому да оди на училиште, да посетува настава. Тој ги школуваше децата во странство. Таа го школуваше внукот.
школуван | прид.
Што е образован, учен; што се здобил со знаење, посетувал и завршил определена школа. Школувано момче. Школувана младина. Школуван човек. Школуван музичар.
Шкотска | ж.
Земја во Велика Британија.
Шкотско Море | ср.
Море меѓу Јужна Америка и Антарктик.
шкраба | несв.
Пишува, црта без ред, без план и без некоја определена цел и замисла; чкрта. Само шкраба по листот. Шкраба со часови.
шкрабаница | ж.
Безвредно напишано и нацртано нешто, чкртаница. Можеби од овие шкрабаници ќе излезе нешто. Безвредни шкрабаници.
шкрилест | прид.
Што се однесува и што изгледа како шкрилец. Шкрилеста плоча.
шкрилец | м.
Карпа, камен со мала цврстина со слоевита структура што лесно се делка како плочи.
