шантра се | несв.

шантунг | м.

Ткаенина од сурова кинеска грубо обработена свила. Фустан од шантунг.

шап | м.

Вирусна, заразна болест кај добитокот. Сите крави заболеа од шап.

шапирограф | м.

Машина за умножување текстови, документи, цртежи и сл. Текстот беше пишуван на машина и умножен на шапирограф.

шапирографира | несв.

Умножи, умножува, направи, прави повеќе исти примероци од еден текст, цртеж и сл. со помош на шапирограф.

шапирографиран | прид.

Копиран, пренесен, умножен, печатен на шапирограф. Шапирографиран материјал. Шапирографирани ливчиња.

шапка | ж.

Дел од облеката што ја покрива главата; капа Машки и женски шапки. Црвена шапка. Шапка со цветови. Карирани шапки.

шапкар | м.

Тој што се занимава со производство и со продажба на шапки, капи и сл. Таа потекнува од семејство на шапкари. Шапкарот отвораше прв.

шапкарница | ж.

Место каде што се произведуваат или каде што се продаваат шапки, капи и сл. Во градот има две шапкарници. Прво работеше дома, а потоа отвори шапкарница.

шапкарство | ср.

Изработка на шапки, капи и сл. како стопанска дејност. Индустриско шапкарство.