лилјак | м.

Мал цицач, сличен на глушец, што има еластична кожа, распната меѓу трупот и предните и задните краци, со чија помош лета; се движи обично ноќно време.

потера | ж.

Вооружена група што гони некого за да го фати. Тој нареди големи потери на целата територија. Потерата запука на него, но тој продолжи да бега.

глупав | прид.

Што има ограничени умствени способности, ограничен, заостанат, тап. Беше многу убав, ама глупав како брат му.

јуриша | несв.

Оди во јуриш, напаѓа. Неколку пати јуришаа кон барикадите, но без успех.

ажурен | прид.

Што е точен, уреден, што е навремен во извршувањето на задачите. Секретарката е многу ажурна.

потера | св.

Почне да гони некого или нешто; подгони. Тој ја зеде прачката и го потера коњот. Овчарите го потераа стадото. Луѓето ги потерале врзани в град.

потроа | прил.

По трошка, по малку. Од сè потроа ќе пробам.

ликува | несв.

Искажува победничко расположение, голема радост, задоволство поради постигнат успех, победа и слично; слави победа, триумфира.

потака | прил.

потаму | прил.

Со просторно значење – во определен правец, понапред, подалеку. Зад реката се касарните, а уште потаму голите и сиви ридови. Не сакаат да погледнат потаму од носот.