запостави | св.

Не поведе грижа, не обрне доволно внимание, занемари некого или нешто. Тој си го запостави семејството. Таа го запостави учењето.

запости | св.

Почне да пости. Таа запости неколку дена пред празникот.

запотера | св.

Го снајде некого нешто, обично непријатно, лошо и во поизразена мера. Како го запотера од некое време, само по доктори оди.

запоти | св.

Накити, искити куќа и др. со зеленило; Таа ја запоти целата куќа со лескови прачки.

запоти се | св.

За човек или за животно – почне да се поти. Децата се запотија играјќи брканица.

запотка | ж.

Народен обичај на китење куќа и др. со зелени врбови или со други зелени гранки.

запотне | св.

започне | св.

Почне да прави нешто. Таа започна да се смее. Некои жени започнаа да плачат. Тој започна да бега.

заправи | св.

Почне да прави нешто. Од кога си ја заправил куќата и уште не е готова.

запраша | св.

а) Постави прашање некому; праша. Од каде си ти? – го запраша старецот. Како се случило тоа? – запрашаа присутните. б) Праша некого за нешто, во врска со нешто. Ја запрашав девојката каде се наоѓа школото. Тој ме запраша како си поминав на одмор.