здржан | прид.
Што е умерен во изразувањето на чувствата; Здржано момче. Здржан бес. Здржан тон. Здржана насмевка.
здржи | св.
За чувство – совлада; воздржи. Не избувна, ја здржа лутината. Таа го здржа плачот што и се собра во грлото.
здрмоли | св.
Одеднаш почне да дрмоли некого или нешто. Внучето го здрмоли дедото што беше задремал. Ја здрмоли торбата со надеж да го најде клучот.
здроби | св.
дроби_1 Домаќинката го здроби кромидот и го пушти во гравот. Од лутина му доаѓаше да ја здроби виолината.
здрув | м.
Движење што го прави оној што игра во оро кога ќе клекне.
здрувне | св.
Направи здрув.
здружен | прид.
Што е поврзан, зближен, обединет. Здружена опозиција. Здружени сили.
здружение | ср.
Група или поголем број луѓе, организација формирана врз основа на заеднички интереси и цели. Здружение на возачите. Здружение на пензионерите.
здружи | св.
а) Обедини, организира во група, здружение, сојуз. Заедничкиот интерес ги здружи. б) Спои, доближи едно до друго. Исправи ја раката и здружи ги прстите.
здува | св.
Одненадеж почне да дува; дува 1, 2. Здува силен ветар.
