здувне | св.
Побегне, веднаш исчезне; Го пуштија условно, а тој ја здувна преку граница.
здупи | св.
За коњ – збодне со мамузи. Го здупи коњот за да стаса побрзо.
здуши | св.
Направи да се спријатели, да не чувствува некого како непријател, како туѓ.
зебло | ср.
Вид груба ткаенина (за вреќи и сл.). И двајцата беа облечени во некаква облека од зебло.
зебра | ж.
Вид копитар со црно – бели линии по телото, слично на коњ, што живее во африканските савани; Equus zebra. Зебрата често станува плен на лавот.
зебрест | прид.
Што е со линии, шарен како зебра. Зебрест мантил. Зебрести пижами.
зебу | ср.
Вид домашно говедо со грпка од масно ткиво кое се одгледува во Индија и во источна Африка; Bos indicus.
зев | м.
Рефлексен грч на виличните мускули проследен со широко отворање на устата; проѕевка.
зева | несв.
зевзек | м.
(разг.) Тој што се шегува; шегобиец, ѓаволест човек.
