изведба | ж.
Извршување, оформување на нешто, давање дефинитивна форма и содржина на нешто, реализација. Изведбата на проектот ја финансира владата. Нацртот е добар, да видиме каква ќе биде изведбата.
изведбен | прид.
Што се однесува на изведба. Изведбен проект.
изведе 1 | св.
Водејќи, придружувајќи изнесе надвор од некоја просторија. Двајца војници го изведоа врзан затвореникот од затворот. Стопанот ги изведе маските од арот на гумното. Деверот ја изведе невестата во дворот пред свекорот и свекрвата.
изведе 2 | св.
Квачката изведе десет пилиња.
изведенка | ж.
Збор настанат со изведување од друг збор.
изведит | прид.
Строен, висок. Изведита става. Беше танка и висока, изведита и права како пушка.
изведри | св.
Направи да биде ведро. Ветерот го изведри небото.
изведувач | м.
Тој што изведува некоја работа, проект и сл. Изведувачот на градежните работи е една локална фирма.
извее | св.
Чисти жито од плева на ветер; Попладнето ја извејавме сета пченица.
извежба | св.
Стекне вештина во нешто со редовно повторување на определена работа, со вежбање. Ја извежба добро својата улога во претставата.
