извежбан | прид.
Што е добро обучен, што стекнал одредена вештина. Извежбана војска.
извезе 1 | св.
Со везење изработи нешто; заврши со везење. Девојката извезе невестинска кошула.
извезе 2 | св.
Изнесе, продаде во друга држава сопствен производ, капитал и сл. Нашата земја извезе вино во странство.
извесен | прид.
Што го знаат сите, за што имаат сознание. Стана извесна инвазијата на непријателот. Сè поизвесно е неговото доаѓање во земјата.
извести | св.
Јави вест некому, соопшти, поднесе извештај за некаков настан. Тој извести за постигнатата спогодба. Агенциите известија за последните настани на Блискиот Исток.
известие | ср.
Известување, извештај. Доби известие од катастарот за состојбата со земјиштето.
известител | м.
известувач | м.
Тој што известува. Известувачите од конференцијата јавуваа со загриженост за текот на настаните.
изветвен | прид.
Што е стар, износен, ветов. Изветвени панталони.
изветви | св.
За ткаенина, облека и сл. ‒ Стане старо, износено, ветво; ветвее. Завесите за едно лето изветвеа од силното сонце. Од секојдневната употреба црниот фустан изветви.
