бајт | м.
Основна единица за меморија во информатиката. Еден килобајт содржи илјада дваесет и четири бајта.
бајче | ср.
Детски назив за јагне. Бело бајче. Рипкаат бајчиња.
бака | ж.
Сад во кој се става крмата за стоката. Бака со крма.
бакал | м.
Трговец на различни ситни производи, обично прехранбена стока. Работеше како бакал. Ја свршија за бакал(ин). Селски бакалин
бакалар | м.
Вид риба од северните мориња. Мириса на сушен бакалар.
бакаллак | м.
Бакалска стока. Почна да му реди разен бакаллак: две оки шеќер, пол ока кафе, сто драм црвен пипер, една вреќа сол, тенекија газија и др.
бакалница | ж.
Продавница со бакалска стока. Селска бакалница. Отвори бакалница.
бакалува | несв.
Врши бакалска работа. Успешно бакалува.
бакам | м.
Растение со кое се вапсуваат велигденски јајца, варзило; Caesalpinia bahanmensis. Бакам за боење јајца.
бакар | м.
Само еднина. Хемиски елемент, метал со темноцрвена боја; симбол Cu. Мек бакар. Позеленет бакар. Не е од чисто злато, туку од бакар или од тенекија.
