Бандар Сери Бегаван | м.
Главен град на Брунеи.
бандаџија | м.
Член на музичка банда, музикант.
бандера | ж.
Столб за електрична, телеграфска и друга инсталација. Улична бандера. Телефонска бандера.
бандерола | ж.
Лента од хартија со царински или даночен жиг; се обвива околу предметите што биле подложени на царинење.
бандит | м.
Разбојник, друмски разбојник, арамија. Бандити од ридиштата ги напаѓале градовите и селата.
бандитизам | м.
Организирано разбојништво. Бандитизмот претставува обична, најдиректна, најнесокриена кражба.
бандори | несв.
Брбори, дрдори. Бандореше и бандореше, та се начудував како устата уште не му фатила павлака.
банија | ж.
баник | м.
Вид сукано тесто, обично со сирење или без фил во корите; колпите.
баница 1 | ж.
Вид сукано тесто; пита. Останаа старите жени да им прават зелници и баници.
