баница 2 | ж.
Жена на бан. Баницата се загледала во своето чедо.
баничар | м.
Тој што сака многу баница, пита.
банка | ж.
Установа за парично и кредитно работење. Парите ги чуваше во нашите банки. Се вработи во банката. Банките имаа многу пари и кредитираа насекаде.
банкар | м.
Лице што се занимава со банкарски, парични работи. Банкарот му препорача поволен кредит.
банкарство | ср.
Банкарска дејност. Во стопанството главно место имаат банкарството и трговијата.
банкет | м.
Свечен ручек или вечера во чест на некого или при некоја прослава. Утревечер прави банкет за синот што му оди војска. Беше приреден банкет за учесниците на симпозиумот.
банкин | прид.
Што припаѓа на банката, што се однесува на банка.
банкина | ж.
Раб што го ограничува патот и служи како заштита на коловозот од одронување.
банкнота | ж.
Книжна пара. На свирачите им лепи банкноти. Најде банкнота од пет илјади денари.
банковен | прид.
Што се однесува на банка. Банковен капитал.
