банкократ | м.
Приврзаник на банкократијата.
банкократија | ж.
Владеење на големите парични заводи и на нивните претставници, владеење на големиот капитал.
банкрот | м.
Неспособност за плаќање; материјална пропаст на банка, на фирма. Неговата фирма доживеа банкрот.
банкротира | св. и несв.
Падне, паѓа под банкрот; огласи, огласува дека е неспособен за извршување на своите парични обврски. Банкротира зашто многу го практикуваше барбутот и покерот. По цели дни пиеше и банкротира.
банкротство | ср.
Распаѓање на деловниот систем на банка или на друга стопанска огранизација којашто се нашла во таква ситуација што со својот имот веќе не е во состојба да ги намирува обврските. По банкротството на претпријатието вработените останаа на улица.
банов | прид.
Што припаѓа на бан. Зел банова ќерка. Стоел под бановото знаме. Пребледна намесникот банов.
бановина | ж.
Област со која управува бан. Живееше во една земја, во една нејзина бановина. Ја запозна бановината со сите нејзини драми.
бановица | ж.
Банско | ср.
Село во Струмичко.
банство | ср.
Власт и достоинство на бан. Тој го застапуваше банството.
