бара | несв.

Сака, посакува нешто од некого; му сака нешто на некого. Гостите бараа вечера од домаќинот. Тој му бараше само еден сок, ништо друго.

бараба | м.

Разбојник, арамија, никаквец, пропаднат човек. Еден бараба ми ја украде чантата. Ноќе по улиците шетаат пијани бараби.

барабан | м.

Ударен музички инструмент со цилиндрична форма, обложен од двете страни со кожа. Барабаните бијат зачестено. Се слушаа глуви удари на барабан.

барабанар | м.

барабани | несв.

Удира на барабан. Почна да барабани. Барабанеше со прстите.

барабанџија | м.

Тој што удира на барабан во оркестар, музичар што исполнува партии за барабан. Тој бил царски барабанџија. Седумте барабанџии ги удрија барабаните.

барабар | прил.

Заедно. Тој сака барабар со нас да биде. Дигав вреќи барабар со амалите.

бараж | м.

Брана, пречка, преграда.

баражен | прид.

Топовска стрелба што го спречува приближувањето на непријателот. Се враќаат назад низ баражен оган од двете страни на фронтот.

барака | ж.

Ниска зграда од штици што служи за живеење или привремено сместување. Луѓето живеле во оставените бараки. Работниците се сместени во една барака.