катастар | м.

Службена евиденција на земјиште според квалитетот, културата и геодетските мерења што служи за технички, економски и статистички цели и како основа за оданочување на земјиштето; службата што ја води таа евиденција.

катастрофа | ж.

Настан со тешки последици, голема несреќа со човечки и материјални загуби; пропаст. Радиото емитувало вести за разни катастрофи. Природна катастрофа. Морална катастрофа.

катастрофален | прид.

Што има карактер на катастрофа, што предизвикува катастрофа. Катастрофални последици. Катастрофален земјотрес.

катафалка | ж.

Погребна кола.

Категат | м.

Морски проток помеѓу Данска и Шведска.

категоризација | ж.

Распределување по категории, вклучување во категории. Жанровска и стилска категоризација.

категоризира | св. и несв.

Изврши, врши категоризација.

категорија | ж.

Поим, во кој се одразуваат најопштите и најсуштествените својства и односи меѓу предметите и појавите во реалниот свет. Културата е категорија поширока и од самото општество. Тогаш видов колку е времето релативна категорија. Етички категории.

категоријален | прид.

Што се однесува на категорија, својствен за категорија. Категоријални својства.

категориса | св.