кацига | ж.
Вид шлем за заштита при возење (тркачки автомобил, мотор, велосипед и сл.).
кација | ж.
Железна лопатка за жар. До огништето имаше маша и кација.
качак | м.
(арх.) Одметник од власта и од законот; разбојник.
качамак | м.
Јадење од варено пченкарно брашно; бакардан. Ќе направиме за вечера малку качамак.
качар | м.
Тој што изработува и поправа каци, бочви и буриња.
качарница | ж.
Просторија во која се чуваат каци, бочви и други садови. Сè ви е надвор: куќите, шталите и качарниците.
качествен | прид.
Што се однесува на качество.
качество | ср.
Севкупност од суштински особини, својства на еден предмет или појава со што се разликуваат од другите; вредност. Со тие свои качества, тој полека но сигурно им се наложува на луѓето.
качи 1 | несв.
Закачува, беси нешто. На балконот качиме везени пиперки да се сушат. Го качи палтото на закачалката.2. Забодува клин, колец и сл.
качи 2 | св.
Дигне некого или нешто, доведе, дотера на повисоко место. Старата облека ја качи на таванот. Го качија на чардакот, само да види до кај е работата. Времето се затопли, овците треба да ги качиме на планина.
