коштрава | ж.
Трева што расте како плевел со груби листови; Setaria verticillata.
коштрави се | несв.
Се ежи, се костреши. Детето се коштравеше на ветрот.
кошула | ж.
Машка облека со ракави за горниот дел од телото што се носи под палто, пуловер и сл. Кошула со куси ракави. Го дарува свекорот со кошула.
кошулица | ж.
Горен дел од бетонска плоча кој се прави да се израмни плочата, во кој се става материјал за изолација, а над кој се става подот.
кошулка | ж.
Дем и хип.
кошута | ж.
Женката на еленот; Cerva. Го погледнаа плашливите очи на кошутата.
кошутин | прид.
Што ѝ припаѓа на кошута, што е од кошута. Кошутино млеко.
краба | ж.
Вид морски рак; Brachyura.
крава | ж.
Израснато женско говедо, женката на бикот; Bos vacca. Млечна крава. Јалова крава. Стелна крава.
кравај | м.
а) Леб, погача од некиснато тесто. б) Вид пита, преснец.
