белчо | м.
Име за сосем рус човек.
беља | ж.
Зло, несреќа; штета. Ќе стане некоја беља ноќеска или утре. Каде и да оди само бели прави. Голема беља се стори, изгореа повеќе куќи.
бељаџија | м.
Тој што прави беља. Малечок е, ама голем бељаџија.
Бенгази | ср.
Град во Либија.
Бенгал | м.
Област во Индија.
Бенгалски Залив | м.
Залив во Индискиот Океан.
бенд | м.
Помала инструментална група, мал оркестар. Тоа е нов бенд на музичката сцена. Во Скопје настапија повеќе странски бендови.
бендер | м.
Вид петел. По гумното колваа кокошки и еден бендер петел.
бендери се | несв.
Се перчи, се прави важен; се качува на високо. Тој се бендереше, без срам, пред туѓинците. Кај се бендериш таму!
бендиса | св.
Се допадне некому. Тој од едно видување ја бендиса девојката.
