беневреци | и.

Дел од машката носија, шајачни панталони, широки во горниот дел, тесни од колена надолу. Тој беше во шарена облека, во тесни беневреци. Беневреците му биле влажни до колениците.

бенефиција | ж.

Повластеност, привилегија, корист. Австралиската влада дава извесни бенефиции во случај на болест. Секретарката ужива големи бенефиции од директорот. Социјалните случаи добиваат бенефиции од државата.

бенефицира | св. и несв.

Повласти, повластува некого, нешто.

бенефициран | прид.

Повластен. Бенефициран стаж. Бенефицирана отплата на кредит. Бенефицирани услови.

бензин | м.

Течен, безбоен нафтен дериват со различни степени на чистота и со различен состав што се употребува како погонско гориво. Цистерни со бензин. Ноќеска поскапе бензинот. Автомобилот остава зад себе мирис на бензин.

бениген | прид.

Што се лечи, што заздравува, не го доведува животот во опасност; Бениген тумор. Бенигна болест. Бенигни клетки.

Бенин | м.

Држава во Западна Африка.

бенка | ж.

Мало темно петно, пигментен израсток на кожата на човекот во големина на зрно леќа. Бенката под окото придонесуваше за убавината на нејзиното лице.

бенкалија | прид.

бенкичав | прид.

Што е со бенки, што има бенки по кожата. Се штрекна кога го виде бенкичавото лице.