марама | ж.
Парче ткаенина, обично свилена или од друг лесен материјал, што се користи за покривање на главата, на вратот и сл., често како моден додаток;
марамче | ср.
Мало парче ткаенина или мека хартија што се користи за лични потреби;
мараска | ж.
Вид приморска вишна; Prunus cerasusvar. marasca.
мараскино | ср.
Ликер од мараска.
маратон | м.
(спорт.) Атлетска дисциплина, трчање на 42 195 м.
маратонец | м.
Учесник во маратон.
маргарин | м.
Маст, обично од растително потекло, што се користи во исхраната за готвење и за мачкање на леб.
маргаритка | ж.
Украсно растение што се одгледува во домашни услови и по парковите, но расте и диво со едноставни бели покрупни или поситни цветови; Leucanthemum vulgare.
маргина | ж.
Неиспишан простор на рабовите од листови хартија. На маргините на книгата имаше белешки со ситен ракопис.
маргинален | прид.
Што е напишан на маргините од лист хартија. Маргинални забелешки.
