механизам | м.
Внатрешен склоп составен од делови при што со придвижување на еден дел се предизвикува придвижување и на останатите делови по одреден ред. Механизам на часовник.
механизација | ж.
Машини во определен процес на производство. Фабриката требаше да набави нова механизација.
механизира | св. и несв.
Воведе, воведува машини во производството. Откако се механизираа, го зголемија производството.
механика | ж.
Дел од физиката што ги проучува законите на силата, движењето и рамнотежата на телата.
механичар | м.
Стручен работник што склопува и поправа машини и апарати.
меца | ж.
Баба Меца
мецена | м.
Покровител на науката и на уметноста.
мецосопран | м.
Среден женски пејачки глас, помеѓу сопран и алт.
меч 1 | м.
Старинско ладно оружје со долго метално сечило, за сечење и бодење, со рачка.
меч 2 | м.
Натпревар. На вчерашниот меч, домашната екипа се покажа поуспешна
