блика | несв.
Тече, истекува, се разлева силно, во големо количество. Меѓу камењата блика чиста вода.Од носот му бликаше крв.
бликне | св.
Шурне; потече силно, изобилно. Од челото му бликна крв и му го облеа лицето. На жената ѝ бликнаа солзи. Бликнаа солзи ко немирни води.
блиндира | св. и несв.
Заштити, заштитува со челичен оклоп (обично автомобил, воз, врата и сл.).
блиндиран | прид.
Што е заштитен со челичен оклоп. Блиндиран воз. Блиндирана кола. Блиндирани возила.
блинкер | м.
Вештачки мамец, направен од метал или од друг материјал што служи за ловење риби, обично во спортскиот риболов. Рибата го скина конецот сосе блинкерот. Некои рибари се враќаа со блинкери в раце, а торбите им беа празни.
блиска | несв.
Се излева силно. Крвта блиска како бразда.
Блиски Исток | м.
Географски регион во Азија, ги опфаќа државите од Источен Медитеран, Арабискиот Полуостров, како и Иран и Ирак.
блискот | м.
Излив на течност од нешто. Чашата падна со блискот вино.
блискотен | прид.
Што е со блискот, што блиска. Таа во безброј водопади се прелива блискотна.
блисне | св.
Истури, излее одеднаш. Ја грабнува чашата ракија и целата в уста ја истури, речиси ја блисна.
