блиц | м.
Блесок, краткотрајно силно светло.
блок | м.
Големо, масивно парче од нешто (камен, метал, мраз и сл.). Дождовите ја изделкале лавата, ја измоделирале во блокови. Таа ги заобиколуваше огромните камени блокови, напукнати и изглодани од времето. Надолу се гледаа блокови од гранит.
блокада | ж.
(воен.) Целосно опколување на некое место, област и сл. со вооружена сила. Денес имаше претреси, утре сигурно ќе има блокада. Никој не успеа да се извлече од блокадата. Цврста поморска блокада и постојано бомбардирање ќе ги натера противниците да се предадат.
блокира | св. и несв.
Направи, прави блокада, опколи, опколува, запре, запира нешто преку блокада. Силни воени единици го блокираа градот. Полицијата ги блокира излезите од селото.
блокче | ср.
Дем. од блок.
блондинка | ж.
Русокоса жена. Таа беше убава блондинка, со прекрасни сини очи.
блостур | м.
Билка со сиви, мовливи листови, со цврсто стебло и со гроздеста, жолта розета од цветови што шират непријатен мирис; Verbaskum.
блуд | м.
Полово дејство што е осудено од средината, распуштеност, разврат. Таму се оддаде на блуд.
блуден | прид.
Што се оддава на блуд. Селаните ја истераа блудната девојка.
блудец | м.
Чинија со пченица, шеќер и ореви, пригодена според православниот обичај. Одеше по колата мртовечка со блудецот в раце. Жените се вратија од гробишта, ги растоварија празните кошници и останатите лепчиња и блудците.
