богољубив | прид.
Што го љуби, сака Бог; побожен. Богољубивиот народ мирно слушал.
бод 1 | м.
Убод со игла или со друг шилест предмет. Еден бод во прстот и се појави црвена капка крв.
бод 2 | м.
(спорт.) Поен, единица со која се означува степенот на успешност при натпреварување. Нашата екипа освои два бода.
бодар | прид.
Што е многу витален, исполнет со енергија. Тој беше низок, весел, бодар човек.
боде | несв.
Со шилест предмет пробива нешто. Надрилекарот со игла ја бодеше жената во дланките. Фурнаџијата ја боде погачата со виљушка и ја става да се пече.
бодеж | м.
Остро сечило, ладно оружје, нож. Бодежот се зари во вратот на жртвата.
бодибилдер | м.
Лице што вежба, се занимава со бодибилдинг.
бодибилдинг | м.
Систем од вежби со тегови и други помагала и справи за зголемување на мускулната маса, за обликување на телото.
бодило | ср.
Шило, предмет со кој се боде. На фатениот дивеч во примката бодилото му се забива во месото.
бодина | несв.
Јава на коњ терајќи го силно да трча, да галопира. Сватовите цел ден ги бодинаа коњите.
