облизни | св.
За жена, за женка на животно – роди близнаци. Облизнила машко и девојче. Козата облизни две јариња.
облик | м.
Надворешен изглед, вид, форма на нешто. Зрнест облик. Цилиндричен облик. Неправилен облик.
обликува | несв.
Дава облик, форма на нешто; оформува. Учениците обликуваа различни фигури од глина. Авторот го обликува своето уметничко дело потпирајќи се на народната традиција.
обликуван | прид.
Што е среден, уреден по облик, по надворешен изглед. Обликувано дело. Обликуван парк.
обликувач | м.
Тој што обликува нешто. Обликувач на фигури.
облина | ж.
Заобленост, тркалезност. Облина на каменот.
облог | м.
Спогодба, тврдење или предвидување на исходот, на резултатот од нешто од чија точност зависи определена добивка или загуба. Тој го загуби облогот. Тие се фатија на облог.
облога | ж.
Парче ткаенина (обично натопено со вода или со некаков медицински раствор) што се става на заболено или повредено место од телото. Си ставаше студени облоги на главата. По снагата му редеше облоги со винска киселина.
обложи | св.
Замота, завитка со нешто. Таа ја обложи кутијата со украсна хартија. Детето го обложија со студени чаршафи.
обложи се | св.
Фати облог со некого (обично на вредносна стока – пари, имот и сл.). Се обложи со другарите дека може да оди по јаже. Тие се обложија во своите имоти за да докажат кој е во право.
