одврти | св.
Со вртење отвори нешто затворено, стегнато. Тој ја одврти бомбата и ја фрли. Го одврти чепот на бочвата и виното истече. Водоводџијата ја одврти славината за вода.
одвртка | ж.
Алатка со која се одвртува и завртува нешто; шрафцигер.
одгатка | ж.
Одговор, решение на загатка; Бараше одгатка во неговите зборови. Не можеше да најде одгатка на ниедно прашање.
одгатлив | прид.
Што може да се одгатне. Одгатливо прашање.
одгатне | св.
Открие, се досети, сфати смисла на нешто загадочно, замрсено, непознато; реши загатка. Се мачеше да ја одгатне нејзината тајна. Се обидуваше да одгатне колку години има жената. Тој ги одгатна сите поставени загатки.
одглади | прил.
Од глад. Ако не беа пријателите, ќе умреше одглади.
одглас | м.
Одразен, повторен звук, глас; одек, ехо. Слушна одглас на славеј. Тишината ја нарушија одгласи на чекори.
одгласи се | св.
Се разнесе глас, звук, одекне. Низ селото се одгласи камбаната. Надвор се одгласи детска смеа.
одгледа | св.
Изгледа, израсте некого грижејќи се за неговиот физички и психички развој; подигне, воспита (обично за потомство). Таа сама ги одгледа своите деца.
одгледувач | м.
Тој што одгледува некого или нешто. Одгледувач на гулаби. Одгледувач на цвеќиња.
