болвосерка | ж.

Трага од болви, на постелнина, на долна облека. Везеното не се познава од болвосерки.

боледува | несв.

Болен е, е во состојба на болест. Девојката боледува од тифус.

боледување | ср.

Отсуство од работа поради болест. Тој е на боледување веќе три недели. Неговите боледувања биле лажни.

болежлив | прид.

болезлив | прид.

Што е често болен. Таа беше сува, жолта, болезлива и нервозна жена.

болен | прид.

а) Што боледува, што го боли нешто. Таа е тешко болна. Тој бил болен од маларија. б) За дел од телото опфатен од болест. Болни гради. Болни нозе.

болест | м.

Нарушување на нормалните животни функции на организмот. Тешка болест. Срцева болест. Шеќерна болест.

болешлив | прид.

Што често се разболува, неотпорен, што има слабо здравје. Болешлива жена.

болештина | ж.

пејор. од болест. Војната донесе болештини и патила. Тоа е легло на болештини. Тешка болештина ме налегнала.

боли (ме) | несв.

(само во 3 л. со кратка заменска форма: ме, те, го...) Чувствува болка. Половината ја боли од седење.