бонбонџија | м.
Продавач на бонбони. Бонбонџијата во дуќанот на аголот секогаш имаше прекрасни бонбони.
бонвиван | м.
Човек што е склон на уживање, што сака лесен живот. Уметниците го сметаа за голем бонвиван.
бонитет | м.
Белези што го прават субјектот добар и сигурен должник; кредитоспособен и ликвиден, солвентен; добра позиција и репутација на должникот во деловните односи. Сите пријавени на тендерот доставија документи за бонитет.
бонсек | м.
Пила за сечење метал, железни предмети.
бонтон | м.
Правила за убаво однесување. Тоа не е по бонтон.
бор 1 | м.
Високо зимзелено иглолисно дрво; Pinus; бел бор; Pinus silvestris. Полјанчето беше опколено со високи борови и буки. Седнаа на ледината под борјето.
бор 2 | м.
Хемиски елемент; симбол B.
боравалка | ж.
Мешалка, лажица за мешање при готвење, обично дрвена. Жената боравеше со боравалката во тенџерето.
боравенка | ж.
Шарена кошула, везена со повеќе бои. Таа ѝ остави пет везени кошули, три алови и две боравенки.
борави | несв.
Меша, обично храна при приготвување. Жената ги борави тепсиите ориз да не заварат.
