Бурунди | ср.
Држава во Африка.
бурјан | м.
Трајна зелена билка, висока од 1 до 2 метри, со ситни бели цветови и црни бобинки како плод; див бозел; Sambukus ebulus. Седеше во меѓата заграден со боз, бурјан, мирудија, коприви и плет од капини.
бурјаниште | ср.
Земја зарасната во бурјан. Го прегази џадето, го помина и бурјаништето, стаса до беловицата.
бурјаноса | св.
Зарасне во бурјан. Бавчата бурјаносала.
бусија | ж.
Заседа. Комитите фатија бусија зад грмушките.
бут | м.
(анат.) Дел од телото на човекот, од коленото до колковите; бедро. Беше ранет во рамото и во бутовите на двете нозе.
бута | несв.
Турка. Тој го бута од себе детето.
Бутан | м.
Држава во Азија.
бутен | прид.
Што се однесува на бут. Бутна коска.
бутик | м.
Современ дуќан, продавница за облека што се изработува по сопствени модели и во мали серии. Фустанот го купивме во еден бутик на кејот.
