пургативен | прид.
Што се користи како пургатив. Пургативно дејство.
пурде | ср.
Некрстено машко дете.
пури | несв.
Испушта пареа, испарува. Казаните пурат со пилешка чорба.
пуризам | м.
Стремеж кон чистење на јазикот од туѓи елементи.
пурист | м.
Лице што се залага за беспрекорна чистота во јазикот.
пуританец | м.
(истор.) Припадник на пуританизмот.
пуританизам | м.
Протестантско-реформистичко движење што се развило во Англиканската црква, во XVI век, со цел да ги отстрани од неа римокатоличките примеси; пуританство.
пуританство | ср.
пуританизам.
пурпур | м.
Виолетовосина боја што се добива од морски ракчиња, денес по хемиски пат.
пурпурен | прид.
Што се однесува на пурпур. Пурпурна наметка.
